TERCÄ°-Ä° BEND
I
Bu kâr-gâh-i sun' aceb ders-hânedir
Her nakş bir kitâb-ı ledünden nişânedir
Gerdun bir âsiyâb-ı felâket-medârdır
Gûyâ içinde âdem-i âvâre dânedir
Mânend-i dîv beççelerin iltikaam eder
Köhne rıbât-ı dehr aceb âşiyânedir
Tahkîk olunsa nakş-i temâsil-i kâinat
Yâ hâb ü yâ hayâl ü yahut bir fesânedir
Müncer olur umûr-i cihan bir nihâyete
Sayfın şitâya meyli bahârın hazânedir
Kesb-i yakîne âdem için yoktur ihtimâl
Her i'tikaad akla göre gaibânedir
Yâ Rab nedir bu keşmekeş-i derd-i ihtiyâc
İnsânın ihtiyâcı ki bir lokma nânedir
Yoktur siper bu kubbe-yi firûze-fâmda
Zerrât cümle tir-i kazâya nişânedir
Asl-i murâd hükm-i ezel bulmadır vücûd
Zâhirdeki sevâb ü hatâ hep bahânedir
Bir fâilin meâsiridir cümle hâdisât
Ne iktizâ-yi çerh ü ne hükm-i zamânedir
Subhâne men tahayyere fî sun'ihi'l ukuûl
Subhâne men bi kudretihi ya'cizi'l fuhûl
....
|